ភ្នំពេញ៖ កម្ពុជានឹងបន្តទទួលឥទ្ធិពលពីទ្រនុងសម្ពាធខ្ពស់ពីចិន និងខ្យល់មូសុងឦសាន្តក្នុងកម្រិតពីខ្សោយទៅមធ្យម។ ស្ថានភាពនេះនឹងនាំឱ្យកម្ពុជាមានភ្លៀងធ្លាក់ខ្សោយដោយអន្លើ ហើយនៅតំបន់ខ្លះនឹងមានធាតុអាកាសចុះត្រជាក់ដល់ ១៩អង្សា។
ក្រសួងធនធានទឹក និងឧតុនិយមបានប្រាប់ឱ្យដឹងថា នៅតំបន់ទំនាបកណ្តាល នឹងអាចមានភ្លៀងធ្លាក់ខ្សោយដោយអន្លើ។ សីតុណ្ហភាពអប្បបរមា មានពី ២២-២៤អង្សា និងសីតុណ្ហភាពអតិបរមា មានពី ៣០-៣២អង្សា។
ចំពោះនៅតំបន់ខ្ពង់រាប នឹងអាចមានភ្លៀងធ្លាក់ខ្សោយដោយអន្លើ ខណ:ធាតុអាកាសអាចចុះត្រជាក់ក្នុងកម្រិតខ្សោយនាពេលព្រឹកដែលមានសីតុណ្ហភាពអប្បបរមាពី ១៩-២២អង្សា និងមានសីតុណ្ហភាពអតិបរមាពី ២៩-៣១អង្សា។
ចំណែកនៅតំបន់មាត់សមុទ្រនឹងអាចមានភ្លៀងធ្លាក់ខ្សោយដោយអន្លើ ហើយនៅតំបន់នោះនឹងមានសីតុណ្ហភាពអប្បបរមាពី ២២-២៤អង្សា និងសីតុណ្ហភាពអតិបរមា មានពី ៣០-៣២អង្សា៕
ព័ត៌មានជាច្រើនទៀតសម្រាប់អ្នក
